03.10.2018 Krk nach Mureck

Mir händ nid grad die best Wuche für Kroatie-Ferie usgsuecht gha. Tag der deutschen Einheit isch in dere Wuche no gsi, drum isch alles relativ voll gsi. Also simmer scho chli früener richtig Östriich wie mers eigentlich plant gha händ. De ersti Halt isch direkt noch de Grenze gsi. Mer händ di Schwimmendi Mühli welle aaluege, doch isch si nid offe gsi (obwohl si gmäss Homepage offe hett selle sii). Uf de Suechi noch eme Restaurant simmer an e Buschenschank anegloffe. Das isch e Hof wo Eigeprodukt und regionali Sache verkauft und eim au bewirte dörf – eifach keini warme Spiise. Isch mega lecker gsi dört!