10.06.2024 Egnach

Scheibenkleister, hütt bini erst am 11i wach worde! Debii hani no grossi Plän gha: Mit em Velo um de halb Bodesee. Nochdem ich parat gsi bi hammer en Ruck geh und bi uf s Velo und bi los gfahre. De Bodesee hett Hochwasser, drum hetts gwüssi Umfahrige vom Veloweg geh. Noch guet 20km im Rhydelta isch de Weg ab und zue chli überfluetet gsi, aber nid tief. Bi de einte Stell hetts usgseh, wie suscht aber plötzlich isch s Wasser 15-20cm tief gsi. D Schueh sind natürlich dinn untertaucht, bäh. Nocher hani die pflotschnasse Socke abzoge und mol googlet. Ok in ere Stund chumi ame Deichmann verbii. Bi mit mine Pflotschnasse Schueh und kalte Füess witergfahre und ha mer neui Schueh kauft. ab denn hetts wider Spass gmacht ;o) Bi vo Egnach noch Bregenz, Lindau, Friedrichshafen und mit de Fähri (wo nume Velos transportiert hett) wider zrugg. 94km sinds worde, praktisch alles ohni Unterstützig.