23.05.2015 Amsterdam nach De Cocksdorp

Es hett rächt gschifft in Amsterdam wo mer zämmepackt händ. Über Nacht hett sich dr Campingplatz no meh gfüllt. Es sind überall Zelt gstande, sogar rund um alli Wohnmobil. Das würd eus eso öppis vo aagurke bi dem wetter mit em Zelt… Kurzfristig hämmer denn eusi Plän umgstelt und sind scho hütt uf Texel gange. Je nöcher mer as Ziel cho sind umso besser isch s Wetter worde. Noch em Mittagässe hämmer denn es 40km Rundfährtli mit em Velo gmacht.