Rügen 2014

Am Morge hämmer eus parat gmacht dass mer denn punkt 10i vor em Iigang zum Legoland gsi sind.

Hütt hämmer en riese Rieme noch Süde gmacht, fast 600km is Legoland. D Fahrt isch langwiilig gsi und mer sind alli froh gsi, wo mer uf em Camping vom Legoland aacho sind.

Hütt Simmer noch 130km in Wolfsburg aacho. De Camping nid grad de hammer, defür d Autostadt umso toller! De Usflug dört ane hett sich glohnt.

Hütt hämmer eus vom Pedro und dr Tanja trennt, si müend früener dehei sii wie mir. Schad, isch cool gsi mit euch! Gern widr emol!

Mir sind ufbroche und sind in Nationalpark Jasmund oberhalb vo Sassnitz gfahre. Dört isch die berüehmti Chride-Steilwandküste. Noch ere 3.5km lange guet beschilderte Wanderig hämmer de Usblick bi bestem Sunneschin gniesse chönne.

Hütt hämmer Prora (Link) aagluegt. Isch sehr iidrücklich, wobi im Moment öpe alles Ruine sind. Aber in es par Johr wirds wohl e rächti Meile wärde, eso wie si baued! Aaschliessend simmer no is Iisebahn und Technik Museum.

Uf em Weg zum Wohnmobilstellplatz simmer s Jagdschloss Granitz go aaluege.

Hütt simmer mit de Velos uf Selin gfahre go d Seebrücke aaluege. uf em Rückweg hämmer mega feine gräucherete Fisch gässe :o)

Hütt simmer mit em „Rasender Roland“ (Homepage / Wikipedia) uf Binz gfahre. Es isch am Morge chli windig gsi, aber eigentlich ganz schön. Wo de Wind am Nomitag chli nocheglo hett, isch es recht aagnähm worde.