08.06.2023 Mühlberg nach Coswig (Anhalt)

Obwohls nume guet 100km gsi sind, isch d Fahrt 2h gange. Durch die endlose Aleee entlang vo de grosse Felder in Ostdütschland. Durch Wälder und ab und zue isch wider es chleins Dorf cho. In dene Dörfer sind gfühlt nume no d Hälfti vo de Hüüser bewohnt, de Rest isch baufällig.

De Stellplatz isch wäg em Fiirtig in D rächt guet bsetzt. Fast alli Plätz am Ufer entlang sind reserviert. Aber dört i dere Sunne würdi nid freiwillig stoh. Ha mi i die hintersti Reihe schön unter eme grosse Baum anegstellt. De Stellplatz ghört zume Feriedorf (eigentlich Dörfli) wo wie e Stadt us de Ritterzit gstaltet isch. Im Zentrum isch denn uf em Marktplatz d Taverne wos öppis z ässe git. Aber es simmer z viel Lüt dört gsi.