26.05.2015 De Cocksdorp nach Earnewald

Veröffentlicht am von

Hütt isch nid euse Tag! Mer händ Texel verloh und sind wider uf s Festland. Händ en schöne Campingplatz gfunde, s Wetter isch sosolala gsi. Abwechselnd sind es par Tröpfli sind abecho, d Sunne hett gschune und isch grau gsi. De Wind isch aber die ganz Zit gange. Wie au immer, mir händ eigentlich mit de Velos noch Leeuwarden welle. De Aafang vom Veloweg hämmer au guet gfunde, nume denn hett s Fiasko aagfange. Zwei Fähre wo mer zum Übersetze brucht hätte sind nid gfahre (händ es Stück zrugg müesse bzw. en riese Umweg über e Brugg neh müesse) und d Velowegschilder hämmer zum Teil nid gseh oder wie au immer. Schlussendlich simmer noch 2h velofahre nonig mol i de Hälfti gsi! Mer händ umdreit, Bim Velo uf Vollgas gstellt und sind zrugg gfahre. Jetzt, uf direktem Weg hämmer nume e viertel Stund brucht ;o(